жергілікті жерді газсыздандыру және дезинфекциялау

(Дегазация и дезинфекция местности)

қарсыластың химиялық және бактериологиялық шабуылының зардаптарын жою үшін жүргізілетін іс-шаралардың бірі. Қорғаныс құрылыстарын (ғимараттарын) және жергілікті жерді газсыздандыру мен дезинфекциялау әскерлерге залалсыз-дандырылған және неғұрлым қолайлы жағдайларда әскери міндеттерін орындауға мүмкіндік беру мақсатында жасалады. Газсыздандыру мен дезинфекция жұмыстары химиялық (газсыздандырғыш ерітінділермен суару, газсыздандырғыш сусымалы заттарды шашу) тәсілімен немесе механикалық (залалданған топырақ, қар қабатын алып тастау) тәсілімен жүргізілуі мүмкін. Ж.ж.г.д. үшін автоқұйғыш станциялары, аспалы газсыздандырғыш аспаптар мен жол машиналары (грейдерлер, бульдозерлер, қар тазартқыштар, құйғыш машиналар, скреперлер және т.б.) пайдаланылады. Газсыздандыру мен дезинфекция бойынша шағын көлемдегі жұмыстарды құрлықтағы әскерлердің барлығы өздігінен, механикалық тәсілмен жүргізеді.